a Giuseppe Di Dio, composizione in rima in lingua siciliana di Rosario Patti
Stasira niasciu cu l’amici
du chiacchiari precisi
vaiu a chiazza vidu chi c’è
di stari intra nun mi va,
miaghhiu fora nso chi c’è c’è.
Parru che cumpagni, a chiazza è china,
si ridi e si babbia, na machina s’avvicina
cu c’è dintra nun u sacciu
staiu parrannu e mancu m’affacciu.
Quarcunu scinni, eni nfuriatu
nun eni sulu, avi natri dui allatu.
Pigghia na pistola irregolari
ncumincia a sparari
sugnu espostu e senza ripari
giustu giustu ndo cuaddu m’iu a chiappari.
Sugnu nterra, c’è burdellu,
u sangu scurri a sciumi, un macellu.
Gridinu, currinu, scappinu, si nni vanu
e iu nterra piansu sulu a me mamma e forti a chiamu.
Mamma aiutimi tu, pi fauri,
sulu nun mi lassari
sugnu nterra
Ca suaffru, aiutimi, dammi vita, nun mi nni vuagghiu iri.
Nenti, mi nniu, Nun potti arristari
ddu cuarpu ndo cuaddu fu fatali
era carusu, mi piacia a vita,
ma chi pinsava ca mi nni gudia sulu na muddica?
Pi giustu o pi sbagghiu ormai mi nniu ma vulia arristari,
mi piacia,
macari ca tintu tintu mi facia
na risata, a mia m’abbastava…
Vulia sulu un pocu di tiampu in chiù
ma ormai iu finiu, nun ci sugnu chiù.
Ciao mamma, ciao papà, ciao Capizzi,
Pi giustu o pi sbagghiu,
iu vi lassu…
