“Ricordu ru passatu”, poesia in siciliano di Santina Gullotto

foto scattata dall’autrice, Santina Gullotto

…

Guardu u munti quannu fuma…

Guardu u sciummi quannu scurri

scuttu u ventu quannu canta

tra li fuogghi ru sambucu…

Tuttu sembra na miludia

anchi se chiù malincunia

quannu canta a ninna nanna…

chilla chi cantava na mamma

quannu ndrummintava u so piccirillu…

Ni la notti calma, calma,

quannu non c’eruni rumiri,

passavanu suru i bicicletti

i sciccarelli e li imenti…

Si sintia na funtanella

do silenziu chi scrusciava

ca so acqua chi curria….