Napule nun se scorda, di Adele Libero

Passiggiavo ajere dint’ ‘ o vico,
n’aria bella, silenzio e tanta pace.
Fumavo sicarette ‘e contrabbando
e me nne jevo allera e zumpettianno.

‘A ‘nu tratto quaccuno ca me chiamma,
m’accumpagna tranquillo pe sta scesa,
Se ne jette anne fa’ all’Inghilterra
pe’ faticà e pe cagnà paese.

Ma mo’ ca tene ville e quacche terra
luntano nun se fide ‘e sta’ da a’ mamma
‘a nustalgia ‘e notte po’ l’afferra
E lle pare ‘e vivere ‘nu dramma.

Allora vo’ turnà addò isso è nato,
pirciò pigliaie ‘nu volo stammatina
e a Napule mo sta, è riturnato
e cammenanno stammo a San Martino.

Simme arrivate all’ora d’’o tramonto,
‘o sole s’è vuttato dint’all’onne,
stu bello panorama ha salutato
chi torna e chiagne comme ‘a n’ammurato.