8 marzo 2024, di Adele Libero
Ma qua’ festa putimmo celebrare,
si ogni juorno ‘na femmena è accisa?
Si dint’’a casa nuje avimme stare
d’’a cammarera purtanno ‘na divisa?
‘E juagliune l’avimme coccolare
e ‘o marito nun fa’ mancà maje niente
e niscuno ce porta a passiare
e nun lle passa manco pe la mente
ca da millenni ce simme scucciate
‘e fa’ ‘e servizi e preparà ‘o mangià
e ca invecchiammo brutte e accartucciate
senza cchiù ‘o fiato manco pe parlà.
Pirciò mo pe piacere chesta festa
tenitela astipata pe n’ato anno
ca un ce passa manco pe la testa
e vivere accussì è nu malanno
