primavera, di Adele Libero
Tu staje nascosta dint’ ’e primme viole,
o dinto’ ’e ragge chine chine ‘ e sole
ca aspettano ca passa sta tempesta
e stammatina jocano cu tte.
Staje dint’’ ‘o quadro fatto ‘a Botticelli,
nzieme cu ll’ate ninfe belle assaje,
cu ‘nu vestito fatto e tanta sciure,
capille russe e uocchie comm’’o mare.
Me pare ca tu cante e tu suspire
penzanno ca mo passa ‘a giuvintù
e mustre a tutta ‘a ggente sti pensiere,
chine ‘e bellezza pe’ chello ca fu.
Pigliammece, pirciò, sta primmavera,
o corta o longa starraje nzieme a mme,
pigliammece sti ciento e ciente vase
e ‘o vierno s’addimannarrà ‘o pecchè
