Sera ‘e luglio, di Adele Libero
Io m’arricordo chella sera ‘e luglio
cu chella luna tonna e appassiunata,
vicino ‘o mare forte t’abbracciaje
e ‘o primmo vaso nun ferneva maje.
Doppo diciste “allora me vuò bbene?
io rispunnette, “E mmo’ tu te ne addone” ?
E ‘o libbro cchiù felice s’arapette
e ‘o core forte me sbatteva m’piette.
St’ammore po’ d’argiento s’è vestuto,
l’anne comme cunfiette aggio assaggiate,
a vita nosta splenne sotto ‘a luna
e tu pe’ mme sì stata ‘na furtuna.
