settembre a Napoli, di Adele Libero
E’ arrivato pure settembre,
sempe caldo, nu poco arraggiato,
ca te porta quacche vota
‘nuvole nere e mare aggitato.
‘E turiste venene ancora,
tu ‘e vide a mille a mille,
notte e ghiuorno mmieze a sti strate
ca s’incantano a guardà ‘e stelle,
o raggionano c’’a luna
ca l’attira mmiezo ‘o mare.
Stamme a Napule, guaglione,
nun ve servono lampare.
Sta città è furtunata,
sempe luce ’e luce soja
nun turnate ampresso ‘a casa
a nustalgia è mariola
