A Befana (ovvero, le basta il sorriso dei bambini), di Adele Libero
Stongo stanca, stongo strutta,
tutta ‘a notte aggio vulato
n’coppe ‘e ccase, n’coppe ‘e titte
‘e pazzielle aggio purtato.
P’a fenesta, o ‘mmiezo ‘e scale
zitta zitta so’ venuta
e ‘e guagliune stammattina
cchiù felice agge scetate.
Po’ stanotte so’ partuta,
tutto ‘o munno aggio ggirato,
n’Palestina songo stata
e ‘nu razzo m’ha sfiorato.
Io, v’’o ggiuro, aggio chiagnuto
pecchè ‘a morte aggio veduto,
veco ch’essa mo’ ha vinciuto
e ha distrutto tutte cose.
L’anno prossimo, v’’o ggiuro
resto ‘a ccasa rintanata
E ‘o sorriso d’’e criature
Sulo ‘a me tengo astipato
