‘O kit (il kit…europeo), di Adele Libero

‘A muzzarella nun t’ ’a può purtà
Pecchè in tre giorni quella a male va,
nun può purtà neppure ‘na pastiera
pe’ mangià quacche cosa quanno è sera.

‘O poco ‘e vino, e dai, nun po’ mancà
Si no sicuro, te staje a ‘ntussecà.
E pe’ durmì tu puortate ‘o cuscino,
na cupertella cavera e ‘o lumino.

Doppo tre gghiurne, comme a Gesù Cristo
Tu jesce ‘a fore cu nu viso tristo.
Ma chesta è l’Europa, figlio mio
Si nun te salva essa, prega a Ddio.

E pe’ chist’anno gira chesta sorte:
t’he preparà stu kit …’e “kit è mmuorte”.