l’ora legale, di Adele Libero
Mo’ è scattata chest’ora legale,
hè ‘ccunciato ‘o riloggio, è normale,
‘a matina cchiù tarde te scite
Pè vedè si l’ortensie so’ asciute.
‘A jurnata è cchiù longa ‘a passare,
pare ‘o doppio e te pesano ll’ore.
Sulo ‘a agusto è assaje bello pecchè
juoche a mare dall’otto alle tre.
Ma in autunno fernesce sta festa
E c’’a pioggia te scoppia la testa,
‘nfino a che ‘o riloggio te torna
a signà l’ora justa ogne juorno.
