i dazi, di Adele Libero

E che parlammo a ffà ‘e chisti dazi,
tutto n’trasatto, neh, so’ cose ‘e pazzi,
l’America ce tassa bello e buono:
‘a muzzarella, o vino, o parmiggiano.

L’Italia c’è rummasta male assaje
pecchè ‘o surdato nun s’ ‘o scorda maje:
fui chillo ca aiutaje senza pretese
e doppo s’incantaje pe’ stu paese:

Capri, Venezia e Roma dint’ ‘o core,
se venene a spusà pe ffà stupore.
E mo’ mettimmo pure nuje nu dazio,
chi vene a ccà ha da cagnà palazzo.