autunno, di Adele Libero
E mo’ piglio p’’a mano chisto autunno,
stanotte s’è girato ‘o ppoco ‘e viento,
‘e sette è ancora niro tutto ‘o munno:
e l’alba è scura comme int’ a stu tiempo.
L’estate già me chiagne dint’’all’uocchie
penzanno all’aria doce e chiena ‘e sole,
chissà si mo ca l’anno se ne more
mme torna a fantasia ‘e te chiammà.
Ma tu mo’ tiene nu surriso stanco
nun scrive cchiù poesie chiene d’ammore
tutte ‘e capille se so fatte janche
e certo mo nun pienze proprio a mme.
