cimitero, di Adele Libero
E c’hammo fatto pure ‘o bello giro
‘a stammatina, dinto ‘o cimitero.
‘E sciure hammo purtato, ianche e russe
Pe’ adornà ‘e chisto iuorno tutte ‘e fosse.
Annante ‘e tombe ‘na bella preghiera,
co’ ‘o core hammo ditto tutta intera.
l’anime, ma chissà, hanno apprezzato,
sta vicinanza ‘o munno d’’o passato?
Io c’haggio chiesto a chella zia Titina
pecchè me vene nsuonno ogne matina,
ma nun risponne maje quanno lle spio
addò mettette ‘e sorde d’’o zio mio.
Vedite, chisto songhe fatte overe
so’ strane, ma ve ggiuro, so’ sincere,
pirciò si vuje vulite quacche cosa
spiate in vita e datece ‘na rosa.
