E matina (prima poesia scritta a 4 mani da Adele e Orlando Dep)

‘A matina ‘io me sceto sempe ampresso,
e immece tu me pare ‘o pesce allesso,
io tanno tanno voglio ‘nu cafè
pe te trattà aroppo comme a’ rre.

Tu faje ‘na faccia storta e rieste zitto.
Pe’ murmulià chiù tarde fitto fitto.
‘O sole saglie dinto ‘o vico scuro
“scennimmo” dico, nun sta nfaccia ‘o muro.

Nunn’è ca te sto contro, o mia Adelina
Sì meglio d’a’ pensione a fine mese
ma stù ccafè ca mme faje ‘a matina
tène n’addòre comm”a genovese!

E si vuo fà,pe dì, nà cammenàta
nun te scurdà ‘e purtà ‘e sorde appriesso,
‘O ssaje ca sò nù povero penzionato,
stò disperato mò e ‘o mese appriesso!

Va bbuò, io mo’ te piglio sotto ‘o vraccio,
scennimme assieme pe’’e Rampe Brancaccio!