Napule è, di Adele Libero
‘Na jurnata scalognata,
din t’all’ossa me so’ ‘nfosa,
dint’ ‘o traffico bloccata
s’è addurmuta pure ‘a rosa.
L’alberello ca chiagneva
e diceva, nun è cosa,
sott’ ‘ pioggia traballava,
me nne so’ turnata a casa.
Ma cchiù tarde ‘o sole è asciuto
e pe’ ‘e strate s’è fermato,
ca’ ‘a mantella assaje nzuppata
pure ‘o vigile scuntruso.
‘E juagliune fore ‘a scola
scutuliavano ‘e cartelle
zumpettianno pe’ ‘e sagliute
e pe’ viche e vicarielle.
E stu core s’è perduto
dint’’a chisto vascetiello
pecchè tu cu nu surriso
nne faje subbeto castiello !!
