l’anno nuovo 2026, di Adele Libero
Mio caro Amico, ccà sta l’anno nuovo,
pretese nun ne tene, è frisco frisco,
sultanto nu saluto a mezanotte
e pure si nun spare troppe botte.
Ma tu vulisse ca io te dicesse
a mo’ a tanno chello ca succede,
si c’hai salute e si ‘a sta guerra s’esce.
si mugliereta torna e ‘o soldo cresce.
Ma io nun songo mago, sulamente
leggo ‘o giurale e ascolto la Tv,
saccio ‘o tiempo ca farà dimane,
pure si a passià nun ce vaje cchiù.
Allora piglia ‘a vita allegramente,
juorno pe’ journo senza tanto assillo,
e vide ca proprio a stu mumento,
Maria ritorna e te dà nu vasillo
