Il due gennaio, di Adele Libero

E ‘o juorno doje io sto sempe depresso,
scusate, ma ‘o diario è sempe ‘o stesso:
so gghiuto ‘e matina p’’a fatica
e ‘o traffico m’ha subbito nghiuttito.

Tutte ‘e colleghe steveno nguttuse,
ll’aria d’’e ffeste me l’ha rese nervuse.
No, nun ce steva ‘a voglia ‘e faticà
e nun vedevo ll’ora ‘e riturnà.

‘E piccerille steveno studianno:
‘e compite tenevano ‘e ll’ato anno,
po’ ‘e poesie ‘e Leopardi hanno studiato
e me parea ca tutto era iniziato.

Sì, l’anno mo’ puteva accummincià
e dinto ‘o core a luce steva ggià.