a Napule, di Adele Libero

Ca pozzo murì ampresso, chesto ‘o ssaccio,
ma primma voglio ‘o tiempo ‘e ‘na canzone,
ca vurria scrivere a Napule mia bella,
ca parlasse d’o mare, a luna ‘e stelle.

D’’e palazzune gruosse, a San Giuvanne.
ca se guardano nfaccia assai nguttuse,
d’’e vicule addò stennenne ‘e panne,
d’’e guaglione ca iocano scuntruse.

Vurria spazzà ’ na notte ogne paura,
‘o friddo dinto o vascio, che turtura,
‘o traffico insistente p’’ogni via,
‘o pullman ca te lassa mmiezo ‘a via.

Ma po’ vulesse avè mille culure
pe’ tegnere sta casa cu l’ammore,
pe’ tenè chistu cielo sempre azzurro,
e po’ murì felice in un sussurro