febbraio, di Adele Libero

Ma è proprio a febbraio ca vene ‘o friddo,
l’acqua, e lampe, ‘e tronnole e ‘o viento.
Stu mese ce fa sceme c’’a mimosa,
nel mentre ‘a neve copre tutte cose.

P’’a via guaglione fanno ‘ddoje pupazze
e tutte janche songo sti palazze,
ma ‘o juorno appriesso sponta ‘o poco ‘sole
e mm’iezo all’erba trove ‘e fresche viole.

‘A casa pare nera, chiena ‘e fumo,
‘e notte è gelato stu cuscino,
‘o mese doppo torna primmavera
e ‘o core dice: jesce! mo’ staje allera !!