“Scarlatti e ‘a funtana” di Adele Libero
Ajere cammenavo a Via Scarlatti,
quanno veco assettato a ‘na panchina
‘o grande musicista, ‘o grande artista,
ca se sturiava buono ‘a funtana.
…
Maestro quale onore, glie’ ricette,
cos’è che vi ha portato in questo stato?
E jsso, Signurì, parlo co’ core,
ma ‘a verità è ca mme’ so’ scucciato.
…
Sta strada è bella, chiena ‘e sinfonia,
ll’albere ‘e negozie e tanta luce,
ma rico ‘a verità, Maronna mia,
sta funtana è na cosa ‘overo truce!
…
Scuro ‘o culore, senza n’armonia,
ma che ce’ trase cu chesta collina?
Perciò mo’ m’è venuta a fantasia
e levà sta funtana quanto prima!
…
Chesto ricette, ‘o caro Maestro
e subito pigliaje pe’ San Martino
ma no pe’ se guardà ‘o panorama,
ma pe’ se fa sentì ncoppo ‘o Comune !!
…
Chi ‘o ‘ssà si po’ ‘a isso ‘o danne retta
e spostano ‘a funtana a Ferrovia,
cert’è ca pe’ nuje fernesse ‘a fretta
e ce nzerrà l’uocchie ‘pe sta via.
