“Sotto ‘a luna” di Adele Libero
Vurria ballà stasera,
sotto ‘e rose,
strignennete inte ‘e braccia
smaniose.
…
Vire che cielo
e che luna brillante,
ca’ ‘n’ cielo rassumiglia
a ‘nu diamante.
…
E je, che a vote penzo
all’infinito,
a chello ‘ca c’aspetta
doppo ‘a vita
…
me’ scordo e dico:
meglio ‘stu mumento
‘stu valzer ca’ me culla
doce doce.
…
Saranno ‘e rose
sarà ‘sta luna chiena,
ma je me sento
cchiù ricca ‘e ‘na regina.
