“Marzo a Napoli” di Adele Libero
E’ troppo bello ‘o mare quanno luce,
quanno ‘na lama ‘e sole ‘o taglia ‘e netto,
e ll’aria fina scenne rinto ‘o pietto
respiranno ‘ccu tte, ma doce doce.
…
‘A luntano na nuvola cammina,
‘pe tutto ‘o cielo se ne va pazzianno,
è marzo, e pure l’aucielle ‘o sanno,
e jocano ca’ stella cchiù vicina.
…
O core mio s’arape e tuzzulea,
me dice, o’ ssaje? E’ n’ata primmavera.
Io rido e penzo ancora a chella sera,
quand’isso tutte e vase mije vuleva.
…
Che ffà si ‘o tiempo rinto ‘o tiempo è gghiuto?
Nuje ce vulimmo ancora tantu bene,
e n’atu marzo chiste sciure tene:
rose ‘e n’ammore ca’ nun s’è perduto.
