“Natale 2014” di Adele Libero

 

 

E stamme tutte quante ‘ncapputtate,

dinto ‘o pulmann oppure dinta’ ‘a metro.

Ma ‘e pensiere se’ so’ accartucciate

pecchè ‘nato Natale è già arrivato.

…

S’adda accattà ‘a cassata e ‘o capitone,

tutte ‘e riale pe’ ‘e cchiù piccerille,

all’albero ca sta fore’ ‘o balcone

s’hanna mettere ‘e lluce e l’angiulille.

…

Ma pe’ vvie io veco  ancora ‘a famme,

‘a ggente spenne poco o quase niente,

‘e lluce ‘a sera ampresse già so’ spente.

…

Sulo a Natale, po’, penzammo a Dio,

ce ricurdammo ca’ pe’ nuje è venuto,

e o’ rieste ‘e ll’anno l’anema è perduta.