“Spira ‘o viento” di Adele Libero
‘O viento gira e va pe’ tutto ‘o ‘munno,
se piglia ‘e suspire de’ juagliune,
s’arrepara areto ‘a ‘na fenesta
pe’ nun turbà nu volo ‘e n’aquilone.
…
Porta ‘e semmenze arò grano cresce,
strappa l’argiento de’ foglie cchiù antiche,
sulleva l’acqua e ‘nfonne ‘e fronne fresche,
pe’ dà sullievo a chelli braccia amiche.
…
Po’ vene a Mergellina e aiza l’onne,
sulleva ‘e vestite de’ figliole,
ca rireno penzanno a quanta omme
vulessero gudè ‘e ‘sta visione.
…
E ‘infine ‘o viento vene a casa mia,
pe’ me purtà ‘o messaggio ch’he mannato,
e capisco ca chesta è nustalgia
e ca tu si pe’ sempe ‘nnamurato !
