“Natale in famiglia allargata” di Adele Libero
‘O juorne ‘e Natale nuje ca’ stammo,
‘o primmo sposo, ‘e figlie, l’ata mamma,
tutte ‘e cugine, ‘e zzie e pure ‘a nonna,
e aunimme cu’ piacere ‘sta marmaglia.
…
E ggià pecchè papà ha divorziato,
e po’ ha fatto n’ato matrimonio,
‘a mamma, sta essa sola cu’ ‘o cumpagno,
(‘e zzie zetelle vanno ‘o manicomio).
…
‘A famiglia, se’ sa’, mo’ s’è cagnata,
cchiù niente, mo ce vo’, può dà scuntato,
durante l’anno appicceche so’ nate,
ma mo’ a Natale, tutto s’è scurdato.
…
Ognuno porta ‘nu quacche regalo,
‘nu piatto friddo, na spasella ‘e pesce,
oppure ‘e paste, e tante, ch’è ‘nu scialo
e ‘a festa ricca e bella ce riesce.
…
E doppo ‘o panettone e ‘a cassatella,
tutte tornene ‘a casa ciuotte ciuotte,
e che vuò fa’, stasera ‘a notte è bella
e nuje cantammo fino a mezanotte !!
…
nb ciuotte= satolli
