“‘Ll aucielluzze (gli uccellini)” di Adele Libero

Quanno ‘a matina je me sceto ampresso,

e sento l’aucelluzze ‘e murmulià,

je me metto a sentere e me spasso,

pecchè sta musica fa’ arricreà.

…

Chissà che va’ ricenno tutte ‘e juorne,

forze sarà l’ammore l’argumento,

o forze hanno tutte ‘nu taluorno

pecchè a vita è grama a ‘stu mumento.

…

Je preferisco penzà ‘a ‘e ‘nnammurate,

magare urtate pecchè ll’ata sera

quaccuno ‘e lloro nun s’è arritirata

e mo’ se vo spiegà allera allera.

…

E dinto ‘o scuro e tanta e tanta fronne

siente ca a ‘nu tratto tutto tace,

forze l’auciello giovane e capace

se sta vasanno ‘a fidanzata: è pace !!