L’albero ‘e limone (ovvero del precariato), di Adele Libero

 

Chist’albero ‘e limone te vereva

correre ‘a scola allero ogne matina,

tenive ‘sti capille nire nire,

e te piaceva assaje jucà ‘o pallone !

…

E criscivi, e gghive sempe ‘a scola,

p’’a famiglia ire bello comme ‘o sole.

Mentre l’albero se perdeva ‘e ffoglie,

tu t’affannave areto a’ ‘e guagliuncelle.

…

Mo’ piglie ll’autobuss ca passa ‘e sette,

l’albero ormaje tene ‘e rame sicche,

però ‘o ssape ca è incerto ‘o lavoro,

pecchè ogge te fanno fa’ o’ precario.

…

E comme ‘a nu limone appucundruto,

te pare ca se so’ magnata ‘a vita,

e nun vaje cchiù areto ‘e guagliuncelle

ma ‘a notte chiagne ‘nzieme a tutte ‘e stelle.