Surriento, di Adele Libero
Cu tte vurria vulà verzo Surriento,
passà pe strate strette e chiene ‘e sole,
verè a luntano n’ato bastimento…
e ‘o mare blu cobalto dell’ammore.
E ppo’ mangià ‘na pizza marenara
o nu supplì o nu babà al limone,
bevenno limoncello nzino ‘a sera,
n’zieme all’amice antiche d’’o curtile.
‘A notte ammaliarse sotto ‘a luna,
ca manna luce cu tanta suspire,
io e te, fussemo ‘e rre senza furtuna
ma cu stu core ca nun vo’ curona.
