t’abbrazzu, di Nuccia Isgrò
T’abbrazzu
e ti rinchiudo dintra sti brazza…
u senti?
Nun ti fannu mali
ma ti carizzano
ti chiudunu nto nu bozzulu…
Vurrianu protiggerti,
lluntanari lu mali di la vita
darti u megghio
sempri…
ma nun pozzu picciriddu mio
allura ti dicu
quannu si stancu,
quannu hai friddu nto cori,
quannu si tristi
o voi caluri d’amuri
li me brazza ci sunnu.
Nun ti scurdari
mucciati nta li pieghe di me brazza
e u munnu lu lassamu
almeno pi na picca
fori….
poi quannu ti senti megghiu
li aprimu sti brazza
ca sunnu pronti a stringerti
fino a quannu a vita mu fa fari.
