O piccerillo, di Adele Libero
E ‘o piccerillo è nato doppo n’anno,
songo felice, cchiù che a capodanno,
haggia fa’ ‘na festa assaje importante,
tutta Cercola invito, certamente.
E’ comme ‘o matrimonio ca facette,
‘a vesta trash e scarpe belle e strette,
saremo una gran folla e la tv
verrà di nuovo e ci vedrai anche tu!
Pecchè a nuje sulo chesto c’è rimasto:
‘o festeggià c’’a musica e c’’o masto
Ca ce fa ballà pure a mezanotte
E po’ in chiusura spara tanta botte!!
E pe’ piacere nun dicite niente,
hamma parià cu amice e cu pariente !
