“Alba a Napoli” di Adele Libero

Comme respira Napule into ‘o vico,

suspira ‘na guagliona ‘nnamurata,

se sposa ‘a luna, senza ‘nu surriso,

c’ ‘a nuvola, ca’ ‘a tene ‘ncatenata.

…

‘Na mamma vasa ‘nfronte ‘o piccerillo,

e ‘lle prumette ‘na vita migliore,

s’ annasconne ‘na gatta co’ micillo,

e torna ‘a casa soia ‘nu muratore.

…

Po’ ‘a notte tutte dormene sicure,

aspettanno ‘llaria do’ dimane,

e ‘a luce passa e appiccia chistu vico,

tenenno tutte mane dinte ‘e mane.