“Quanno fernesce n’ammore” di Adele Libero

E quanno je pensavo a chist’ammore,

comme foglie  me tremmavano  ‘e mmane,

‘o riso e ‘o chianto mmescavano culore,

‘ncoppe ‘a ‘sta faccia, comme a ‘nu ricamo.

…

Triste è sta vita ‘a quanno nun me chiame,

si pure tu luntano nun sì gghiuto,

‘ncoppe ‘o balcone, ‘a chillo quinto piano,

tu pienze ‘a ‘nata e ‘o munno mio è fernuto.

…

Mammà me dice ca jo so figliola,

ca’ ‘n’ato ammore già sta areta ‘a via,

ma je ‘lle dico, voglio restà sola

…

pecchè d’ammore soffro ‘a gelusia.

E nun pozzo penzà ca’ m’ha lassato

e de suspire è chiena ‘a vita mia.