“Addio” di Adele Libero
Ma comme scenne lenta chesta pioggia !
arrassumiglia a lacrime ‘e criature,
s’arrepara ‘na gatta fore ‘a loggia,
cercannose ‘nu posto cchiù sicure.
…
‘E panne mie ormai so’ tutte ‘nfuse,
‘o viento ‘e sbatte, parene bannere,
s’appennono p’o vico, comme spose,
si torna ‘o sole stanno assaje cchiù allere.
…
Ma dinto ‘o core, o ssai, è n’ata cosa,
ajere me diciste “statte bbona,
a strada mia è n’ata, è misteriosa,
e tu si bella, ma troppo guagliona”.
…
Mo m’hanno ditto ca tu sì’ partuto,
n’coppo ‘a na nave ca va assaje luntano,
senza me dà cchiù manco nu saluto
e ‘o core mio se sta spezzanno…chiano !
