“Core” di Adele Libero
Stu core mio è friabile,
se regne ‘e sentimento
‘e segrete speranze,
d’emozioni ‘nnucenti.
…
‘Stu core mio traballa,
comme panna assaje fresca,
comme foglia into ‘o viento,
comme l’onne fra ‘e scoglie.
…
‘Stu core è ‘nu tamburo,
ca’ sona disperato,
comme si avesse corso,
pe’ ciente e ciente strate.
…
E quanno po’, ‘e botto,
se’ blocca rinto ‘o pietto,
me’ pare ca fa ‘o pazzo,
e mo’ fernesce tutto.
…
Ma quanno infine arrive,
e me dai ‘nu sorriso,
o me vase e suspire
nun fa cchiù l’indeciso !
