“Arriva il 2016” di Adele Libero
E quanno ‘a mezanotte nuje sparammo,
se crea chesta festa sopraffina,
ca’ po’ ce porta ‘nfino a Capodanno
e ce cuccammo ca’ è già matina !
…
Po’ ce scetammo e cumminciammo ‘e cunti:
l’anno viecchio nun c’ha purtato niente,
sulo assaje spese, tasse in incremento
e pure o’ lotto è stato indifferente !!
…
Je veco ca’ ‘e bullette so’ aumentate,
pure si a televisione conta palle,
e dice “gl’indicatore so’ cagnate”
e a ggente pava ‘e meno, sa’ che sballo” !
…
Ma quanno maje, tu si vuò ‘a robba bbona,
te l’he pavà cu’ ‘e ‘ccarte assaje pesante,
‘e medice s’imparano ‘a canzona
e stilano ‘a parcella impressionante.
…
Ma tanta ggente è disoccupata,
e va luntano a cercà furtuna,
‘o sogno ‘e ‘na casa se’è sfumato
e pare cchiù luntano ‘e ncoppe ‘a luna!
…
Pero’ mo’ch’è gennaio, proprio o primmo,
accumminciammo ancora ca’ speranza,
e forze ‘e ccose cagnano, verimmo,
si st’anno tene almeno cchiù crianza !!
