“9 marzo 2016”, di Adele Libero
E’ ‘o nove ‘e marzo, e stammo appecundrute,
e’ n’ato juorno e cchiù nun se ne parla
d’ è femmene. Ca tornene ‘inta ‘a casa
a faticà e a purtà annanze ‘a vita.
…
‘E sorde ca so’ poche, e figlie stanche,
ca songhe adolescente e senza idee.
‘O marito ca ‘a sera porta l’ombra
‘e chill’omme curruto sull’altare.
…
E tu sempe surride, nun te cure
si tiene ‘e dulure dint’all’ossa,
mantiene ‘nzieme tutta ‘sta famiglia
pecch’ na donna luce comme ‘a stella.
