Core ‘nfuso, di Adele Libero
Me sento ‘o core ‘nfuso, stammatina,
è ‘a primma vota ca je stongo sola,
e ‘a pioggia arriva, ‘nfunno, fina fina,
e’ ‘nzuppa fore ‘a loggia tutte ‘e viole.
…
Ma quante aucielle stanno p’’o ciardino,
zompano ‘o stesso, dint’’e lavaralle,
forze so’ allere, forze è ‘na manfrina
pecchè vonno cercà ‘e mullechelle.
…
‘O vvì, l’anema mia pure va e vola,
e torna a chilli tiempe ormai passate,
quanno tu me vasave sotto ‘a luna,
chiove o nun chiove, mo’ songo nisciuna.
