L’ascensore (terza parte), di Adele Libero

 

 

E doppo chella primma passiggiata,

‘e duje “guagliune” s’ncuntrajene spisso,

essa anziana, ma nun appassuliuta,

penzava e ripenzava sempe a isso.

 

Isso, cuntento e chino e sentimento,

se steva a figurà, co’ ‘e sciure mmano,

pe’ quanno fosse venuto ‘o mumento

e dicere “me vuò spusà? Io t’amo” .

 

Ma quanno fuje passato circa un mese,

‘na sera essa chiamma, dispiaciuta,

“Nun ce vedimmo cchiù, pecchè ‘a ‘o paese,

me n’aggià riturnà, e so’ avveluta.

 

‘E genitore mieje so’ troppo viecchie,

e nun ponne restà pe’ sempe sule”.

Isso sentette, ‘e, llacrime int’all’uocchie,

chiurette ‘o libbro ‘e chistu bell’ ammore!