In attesa, di Adele Libero
Carmilina stasera t’aspetta,
tene ll’uocchie cchiù azzurre d’’o mare,
addò tu staje stutanno ‘e lampare
doppo ‘a pesca, t’appresti a turnà.
Essa ‘o ssape e pirciò s’appripara,
tene ‘a veste cchiù gghianca d’’a neve,
e ‘into ‘o core ‘se sente ‘na freve
pecchè ‘e notte, da sola, ‘un vo’ stà.
Ecco, mo’, ca s’arape sta porta,
‘int’’e braccia è subbeto festa
chest’attesa è fernuta e già lesta
pure ‘a luna s’appiccia e sta llà.
