‘A casa, di Adele Libero

Quanta felicità tenive ajere,
pe’ stanze tu currive zumpettianno,
po’ ti pigliava ‘a voglia ‘e panorama
e ascive allera fore a ‘stu balcone.

E ciure dint’’e teste, gentilmente,
criscevano e spannevano prufumo,
tutte ‘e parete d’’a casa, overamente,
deveno ‘o meglio pe’ chiosà st’unione.

E po’ nascette pure ‘nu criaturo,
dall’uocchie ‘e stelle e ch’e capille d’oro,
e tu chiagniste pe ‘stu troppo ammore,
e ‘a casa te parette ‘nu tesoro.

 

Annunci