parco virgiliano, di Adele Libero
Chillu pezzullo ‘e strada, addò nuje
all’ombra ‘e chillu pino, nn’ante ‘o mare
cullavame n’ammore ca te struje…
e te cunzuma comme ‘sti lampare.
A voce ‘e stu ricordo ca nun fuje
scurdato mm’iezza all’onna e nun scumpare
ce purtaje ancora ccà e annante a nuje
na scena triste, da dimenticare.
Tutte ll’albere ‘e pine so’ tagliate,
e chella bella via cchiù nun esiste
pure ll’aucielle se so’ alluntanate.
E mmo’ tutte sti strate, tutte ‘e piste
stanno n’denocchio e songo abbandunate
e ‘o core nuosto ormai è sempe triste.
A causa dei recenti eventi metrologici, quali piogge e forti venti, nonché di un parassita, sono stati malamente tagliati molti pini centenari che rendevano unico il panorama del parco Virgiliano, uno dei più belli di Napoli.
