fa caldo, di Adele Libero
Ma fa caldo overamente?
Si è cchiù cavero ‘e l’ato anno,
dice Rita, tiene mente
vaco a mare tanno tanno.
Dint’’o vascio ‘un se respira
pure co’ ‘o ventilatore,
ogni passo è ‘na turtura,
e nun passano mai ll’ore.
Gente mia, ‘na cosa è certa,
chisto clima mo’ è cagnato
io nun pozzo sta cchiù allerta,
forse tutto hammo sbagliato.
Tutto ‘o vverde hammo tagliato,
tutte ‘e fabbriche a carbone,
‘a natura hammo mbrugliato
nun ce sta n’ata occasione.