“Napule” di Adele Libero
Parlame ‘e te, città ferma e sperduta,
dimme ‘e probleme ca’ ogne sera tiene,
famme sentì ‘e pparole sotto ‘a luna,
fatte aiutà ‘a chi te sta vicino.
…
Si, forse ‘e strade so’ tutte sciupate,
e nun so’ degne ‘e ‘stu panorama,
e quanno è sera ce stanno ‘e guagliune,
ca’ danneggiano e sporcano ‘e ggiardine.
…
‘E piccerille nun sanno cchiù ‘a storia,
nun conosceno a di Giacomo o a Eduardo,
a San Martino manco so’ mai state,
e penzano ca’ Reggia è nu teatre.
…
Ma nun chiagnere mo’ pe’ sti probleme,
‘o ssai ca’ ce sta tanta brava ggente,
ce stanno ‘e figlie ca’ te vonne bene,
e tu si’ troppo bella: e chesto è niente?
