“‘Na vita nova (una vita nuova)” di Adele Libero

vita nova

 

E doppo tanta pioggia appecundruta

comm’è bello ‘o sole ca me vasa,

pure ‘e gatte se so’ spaparanzate

e se ricreano n’zieme ‘e panne spase.

E ll’acqua ‘e ‘na funtana saglie n’cielo

e da ‘sti gocce nasce arcobaleno

e sti culure ricche comme ll’oro

ce sanno fa’ scurdà tutte ‘e probleme.

A chi n’ammore fuje dispettuso,

chi va cercanno ‘o posto e nun ‘o trova,

chi sulo s’arrevota, permaluso,

chi parte pe’ cercà ‘na vita nova !!

Basta ca nun perdimmo ‘o sole nuosto,

e co’ penziero e ‘o core ccà restammo,

basta ca’ ‘a nustalgia nun sta nascosta,

sulo accussì partimmo e nun partimmo !!