LL’ Indifferenza, di Adele Libero
‘Nu juorno ‘a Signora Indifferenza
s’era scucciata ‘e parè scucciante,
ca deva grattacape a tutte quante
e nun vereva ll’ora e se cagnà.
…
Quindi scrivette a Papà Natale,
‘na lettera sincera e suspirosa,
dicenno “Caro mio, ccà nun è cosa,
ca io faccio sempe ‘a ggente amariggià”.
…
Quanno quaccuno s’annammora ‘e n’ato
e jo ‘o faccio suffrì, e manco poco,
e chillo tene dint’’e vene ‘o ffuoco,
si ll’ato nun ricambia llà pe’ llà.
…
Allora isso chiagne e se dispera,
se strappa, mo nce’ vo’, tutte ‘e capille,
e je, ca ne terria strumente a mille,
immece nun ‘o pozzo maje aiutà.
…
Quindi te prego, caro amico mio,
pe’ n’anno famme sta int’ ‘a naftalina,
e lassame durmì, sera e matina,
cussì l’ammore in terra po’ trionfà.
