A Napoli (strofe saffica), di Adele Libero
Sta storia è tanto bella e emozionante
ca vo’ pe’ forza ca je va racconto,
e tratta ‘e ‘na città viva e lucente
pure ‘o tramonto.
‘A vollero Angioini ed i Normanni,
l’austriaci, i francesi ed i Borboni,
ma a ttutte lle venettero ‘e malanne,
brutte padrune.
Cu’ Masaniello po’ ce fuje ‘a rivolta,
e ‘o popolo crerette ‘e cumannà,
ma ampresso chesta libertà fuje tolta
senza ’ fiatà.
Mo’ a vonno ‘e partite e ‘sta camorra,
se’ so’ arrubbate ‘e sorde e ‘a dignità,
e chiagne sola sola chesta terra,
pure all’està.
