Chiove, di Adele Libero

 

E chiove p’’a città, e comme è bello

verè p’’e strate tutte ‘e lavarelle

addò ‘e criature zompano felice

rerenno e strignennese all’amice.

 

Pe’ dinto ‘o vico pure se risciata,

doppo tant’afa, uno ‘ncuollo a n’ato,

se stanno a rinfrescà pure ‘sti case,

ca steveno appassenno comm’’e rose.

 

E je pure, ‘o bbì, me sento cunsulata

e sto godenno ‘o frisco ‘e ‘sta jurnata,

vullesse ll’acqua pe’ nettà ‘e cuscienze

ma ‘o cielo chiagne p’’a mala semmenza.

Annunci