l’appuntamento, di Adele Libero

N’appuntamento strano, m’’o ricordo,
all’angolo d’’a strata, ‘a ferrovia,
erano ‘e sette, forze, ‘e sette e meza,
ma tu, che strano, tu, ‘un stive p’’a via.

M’ero vestita bbene, a gonna mora,
‘a camicetta, janca, bella, ‘a sera,
capille nire e tacche da signora,
parevo a bambulella Barbie d’oro !

Ma comme int’ ‘a canzone d’’a Vanoni,
a chisto appuntamento ‘un venive,
e doppo ‘nu ritardo ‘e cchiù ‘e mez’ora
turnaje a casa, senza dì parola.

Allora ‘un ce steva ‘o cellulare
e restaje zitta e sola chella sera.
Anzi ‘o ricordo mo’ me pare chiaro,
tu nun veniste proprio cchiù da allora!

Nun l’aggio chiù scurdate l’uocchie tuoje,
azzurre comme ‘o mare traditore,
surriso comme a chillo grande attore,
‘e Via col Vento. Ma famme ‘o favore !!!

Annunci