Lu natali a Siculiana di Enza Doria

lu natali a siculiana da agrigentoflash.

Ricordu lu Natali a Siculiana,

quannu la mamma mia,

facia li chinura e li mastazzoli,

ca tragliava tanti jiorna prima

pi fari sti cosi duci e nzuccarati

ca tutti quanti eramu a priparari.

Cu scacciava mennuli,

cu tritava i ficu,

cu mpastava e cu nfurnava,

c’èra la gioia e la filicità.

Mancu ora cu lu sciampagni

e lu caviari si po aviri

sta gioia ni lu cori.

Mi ricordu ancora

quannu ficimu lu prisepi

cu li figurini ritagliati

e la codda fatta di farina,

tutti eramu ntornu a un tavulinu

a priparari stu prisepi stranu

chinu di fantasia e immagginazzioni.

Eru picciridda, sugnavu a occhi aperti,

prigavu a Gesù Bamminu

ca mi purtava tanti cosi beddi.

Ch’era beddru stu Natali,

chinu di spiranzi e di famiglia unita.

Categoria : donne scrittrici
Tag : , , , , , ,