“Petrajo” di Adele Libero

petraio

P’a scesa trovo chistu raggio ‘ sole,

ca’ pazzea cu l’uuocchie e ccu ‘e capille,

se specchia n’coppa ‘e prete d’ ‘o Petrajo,

s’allumma rinto ‘o mare ‘e tremmulea.

M’arrecorda ‘e quanno ero ‘na creatura

e pazziavo cu ‘o specchio e c’ ‘a fenesta

e n’faccia a ‘na resata ‘e ‘na figliola,

ca pure a me mannava o’ raggio ‘e sole.

Invece mo’ nun sento cchiù calore

se so smerzate tutte ‘e sentimente,

e ‘pa scesa ‘je vaco, lentamente.

E’ dura quanno poco a poco cala

a vita comme fosse ‘nu tramonto

ca rinto ‘o mare aspetta ‘a luna…e spera.